Hacker ဆိုသည်မှာ

 
Hacker ဆိုတဲ့ စကားအစစ်အမှန်ကို ငြင်းခုံဖို့ အများကြီးကောင်းတယ်။ သုံးချင်တိုင်း သုံးနိုင်တဲ့၊ သုံးချင်တဲ့ နေရာ တိုင်း သုံးနိုင်တဲ့ သဘောတွေဆောင်နေတာကိုလည်း တွေ့ရတယ်။ Hacker ဆိုတဲ့ ဝေါဟာရရင်းမြစ်ကို နားလည်ဖို့ လက်ရှိခေတ်အခြေအနေကို နားလည်ထားဖို့ လိုမယ်ထင်တယ်။
Hacking ဆိုတဲ့ ဝေါဟာရ ကွန်ပျူတာလောကထဲ ရောက်လာတာ ၁၉၆၀ လောက်ကတည်းက ဖြစ်ပါတယ်။ စတင်သုံးစွဲခဲ့တာကတော့ MIT (Massachusetts Institute of Technology) ကလို့ သိရတယ်။ MIT မှာ ကျောင်းလာတက်တဲ့ ကျောင်းသားတွေထဲမှာ သူတို့က နှစ်မျိုးနှစ်စား ခွဲခြားထားတယ်။ Tools အုပ်စုနဲ့ Hackers အုပ်စုဆိုပြီးတော့ပါ။


Tool တွေက ကျောင်းမှန်မှန်တက်တယ်။ ကျောင်းချိန်ပြင်ပမှာ စာကြည့်တိုက်သွားပြီး အချိန်ဖြုန်းတတ်တယ်။ သူတို့ ရည်မှန်းချက်က အတန်းထဲမှာ "A" အဆင့်တွေချည်း ရဖို့ဖြစ်တယ်။ Hacker တွေကတော့ Tool တွေနဲ့ ဆန့်ကျင်ဖက်ပဲ။ ကျောင်းလည်း တက်ချင်မှ တက်တယ်။ တစ်နေ့လုံး အိပ်ချင်လည်း အိပ်နေတတ်တယ်။ ညဘက် ကျမှ သူများတွေ လည်ပတ်ချိန်၊ အနားယူချိန်၊ ရုပ်ရှင်ကြည့်ချိန်တွေမှာ သူတို့လေ့လာမှုတွေ လုပ်တတ်ကြတယ်။ သူတို့က သာမန်ဆိုတာလောက်ကိုပဲ သဘောတွေ့တတ်ကြတယ်လေ။
ဒါဆိုရင် ကွန်ပျူတာနဲ့ ဘာဆိုင်သလဲလို့ မေးစရာရှိတယ်။ ကွန်ပျူတာနဲ့ hacker မသက်ဆိုင်ဘူးလို့ ပြောလို့ မရတာကတော့ အမှန်ပဲ။ Hacker တွေမှာ အောင်မြင်ခဲ့တဲ့ ဇာတ်လမ်းတွေ အများကြီးရှိခဲ့တယ်။ Tool တွေမှ A အဆင့်တွေ ရတာမဟုတ်ဘူး။ Hacker တွေလည်း အတန်းထဲမှာ A အဆင့်တွေနဲ့ အောင်မြင်မှုတွေ ရနေကြ တယ်။ Hacker တွေဆိုတာက သူတို့ဝါသနာပါတဲ့ တစ်ခုခုမှာ အာရုံစိုက်ပြီး စူးစိုက်နစ်မြှပ်ထားတတ်ကြတယ်။ ဒါကြောင့် တစ်ခုခုကို မလုပ်ချင်ရင်လည်း မလုပ်ဘူး။ လုပ်ပြီဆိုရင်လည်း မထတမ်း စွဲစွဲမြဲမြဲ လုပ်တတ်ကြတယ်။ တယ်လီဖုန်းတွေကို ကလိချင် ကလိမယ်။ သိပ္ပံဝတ္ထုတွေ ဖတ်ချင် ဖတ်နေမယ်။ အပျော်တမ်း ရေဒီယို အသံလွှင့် ကောင်းလွှင့်နေမယ်။ Hacker ဆိုတာ မော်ဒယ်လည်း ဖြစ်နိုင်တယ်၊ ကျောင်းသားလည်း ဖြစ်နိုင်တယ်၊ ပါမောက္ခ လည်းဖြစ်နိုင်တယ်။ ကွန်ပျူတာကိုင်မှ hacker မဟုတ်ပါဘူး။ ကိုယ်လုပ်ချင်တာကို စူးစိုက်ပြီး လုပ်ချင်တာ လုပ်နေကြတာလည်း ဖြစ်နိုင်တယ်။ ၁၉၈၆ လောက်တုန်းက MIT မှာ hacker ဆိုတဲ့ အဓိပ္ပာယ်ကို ကွန်ပျူတာ hacker ဆိုပြီး သုံးခဲ့ကြတာ မဟုတ်ဘူး။ အဆောက်အအုံနဲ့ ပတ်သက်ပြီး "building hacker" လို့ သုံးခဲ့ကြတယ်။ ရေပိုက်တွေ၊ အိမ်ခေါင်မိုးတွေပေါ်မှာ ဘယ်သူမှ တက်ပြီး မလုပ်နိုင်တဲ့အလုပ်မျိုးတွေကို တက်ပြီးလုပ်နိုင်တဲ့သူ တွေကို hacker လို့ ခေါ်ကြတယ်။
ကွန်ပျူတာ hacker (computer hacker) ဆိုတာကတော့ ကွန်ပျူတာကို ကောင်းကောင်း နားလည်၊ စူးစူး စိုက်စိုက်လည်းလုပ်၊ ကွန်ပျူတာနဲ့ အရာရာကို အားထုတ်၊ ကွန်ပျူတာထဲမှာ ဘ၀ကိုနစ်မြှပ်ထားသူတွေကို ဝေါဟာရ ပြောင်းပြီး ခေါ်လာကြတယ်။ Hacker အမျိုးမျိုးရှိတယ်။ စိတ်ဓာတ်နဲ့ စိတ်ထားအပေါ်မူတည်ပြီး hacker တိုင်းကို တူတယ်လို့ မပြောနိုင်ဘူး။ ကွန်ပျူတာ programming ဆိုတာက ၀ါသနာပါမှ အောင်မြင်စွာ သင်ယူလို့ရတယ်။ Programmer တွေ ဆိုတာက ငွေကြေးအရချည်း လုပ်နေကြတာလို့ မှတ်ယူလို့ မရဘူး။ အချို့လည်း ပျော်လို့လုပ်နေကြတာ။ Program ရေးရင် ငွေရတယ်ဆိုတာ မှန်ပေမယ့် hacker လုပ်တိုင်း ငွေရဖို့ လုပ်တာလို့လည်း မှတ်ယူလို့ မရဘူး။ Hacker ဆိုတာ လူကြမ်းကြီးတွေ မဟုတ်ဘူး။ အလှရသကို ခံစားတတ်သူ တွေလို့လည်း ပြောနိုင်တယ်။
ကွန်ပျူတာ hacker တွေမှာ သူ့လိုင်းနဲ့သူ ရှိကြတယ်။ Algorithm hacker တွေက ပြဿနာရပ်တိုင်းကို စည်းကမ်းတကျ algorithm နည်းကျကျ ဖြေရှင်းလေ့ရှိတယ်။ System hacker တွေကျတော့ operating system တွေကို ဒီဇိုင်းထုတ်ဖို့ ပြင်ဆင်ထိန်းသိမ်းဖို့ စိတ်ဝင်စားကြတယ်။ Password hacker တွေကတော့ လူတွေရဲ့ ထိန်းသိမ်းထားတဲ့ password တွေကို လိုက်ပြီး ရှာဖွေဖော်ထုတ်နေတတ်သူတွေ ဖြစ်ပါတယ်။ ဒါတွေ ကတော့ Newsweek မဂ္ဂဇင်းက ဖော်ထုတ်ထားတဲ့ ဖွင့်ဆိုချက်တွေ ဖြစ်ပါတယ်။
System တစ်ခုရဲ့ လုံခြုံရေးကို ချိုးဖောက်နိုင်လို့ ငွေကြေးအရ အမြတ်ထွက်သွားတဲ့ သူခိုးလို ကောင်တွေကို hacker လို့ မခေါ်နိုင်ဘူး။ Hacker ဆိုတာ သူခိုးမဟုတ်ဘူးဆိုတာ စိတ်ထဲမှာ စွဲစွဲမြဲမြဲ မှတ်ထားစေချင်တယ်။ Hacker လုပ်တာ သူများပစ္စည်းခိုးပြီး အသက်မွေးဖို့ မဟုတ်ဘူး။ ကျွန်တော်တို့ လက်ခံရမယ့် hacker ဆိုတာ 'ပညာရှင်' ပါ။ ပညာသင်လည်း ဖြစ်ကောင်းဖြစ်နိုင်တယ်။ ပညာတတ်ဖို့၊ ပညာရှာဖို့ ဘ၀မှာ အများကြီး ပေးဆပ် နိုင်တဲ့သူတွေ ဖြစ်ရမယ်။ Password Hacker ဆိုတာ system တွေ ဘယ်လို လုပ်တယ်ဆိုတာ သိချင်လို့ နောက်ကြောင်းလိုက်နေသူတွေပဲ ဖြစ်သင့်တယ်။ ဒါ့ကြောင့် သူအကြောင်းအရာတစ်ခုခုကို သိချင်လို့ မသိသိ အောင် ကြိုးပမ်းချင် ကြိုးပမ်းမယ်၊ အလွဲသုံးစားတော့ မလုပ်ဘူး။ မကောင်းတာလုပ်ဖို့ hacker ဘွဲ့ခံတာ မဟုတ် ဘူးဆိုတာတွေ သတိပြုစေချင်တယ်။

Hacker ကိုယ်ကျင့်တရားနှင့် ရသ

လူ့သမိုင်းဖြစ်စဉ်မှာ အမှားနဲ့အမှန်၊ အကောင်းနဲ့အဆိုး ဆိုတာ ဒွန်တွဲနေတာပဲ။ လူတိုင်းလူဖြစ်လာပြီ ဆိုကတည်း က လူ့အသိုင်းအ၀ိုင်း လူမှုရေးနှင့် မလွဲမသွေ ပါဝင်ပတ်သက်လာရလိမ့်မယ်။ လူဆိုတာကလည်း သူ့အဆင့် အတန်းနဲ့သူ၊ သူ့ခံယူချက်နဲ့သူ ကိုယ့်ဘ၀ကိုယ် ပြဌာန်းတတ်ကြပါတယ်။
ကိုယ်ကျင့်တရားဆိုင်ရာ 'စံ' တွေကို လွန်ခဲ့တဲ့ နှစ်ပေါင်း ၂၀၀ လောက်ကတည်းက စတင်ချိုးဖောက်လာခဲ့ကြ တယ်လို့ ဆိုရမယ်။ မှတ်မှတ်သားသား Immanuel Kant (1724-1804) ဆိုသူက စတင်ချိုးဖောက်ခဲ့တာလို့ ဆိုနိုင်တယ်။ Kant ဟာ ၂၀ ရာစုမှာတော့ အတွေးအခေါ်ပိုင်းမှာ အတော်လေး ထူးဆန်းစွာ တီထွင်တွေးခေါ် နိုင်ခဲ့သူလို့ ဆိုရမယ်။ သူက အစဉ်အလာ လူတွေ လက်ခံနေကြတဲ့ ကိုယ်ကျင့်တရားစံတွေကို ဆန့်ကျင်ခဲ့တယ်။ ကိုယ့်စိတ်နဲ့ ကိုယ့်ကို လုပ်ပိုင်ခွင့်အပြည့်ရှိဖို့ သူက အများကြီး တွေးခေါ် ဖော်ထုတ်ခဲ့တယ်။ သူက လူသားဆိုတာ ဘာ၊ လူ့တန်ဖိုးဆိုတာ ဘာ စတာတွေကို မိတ်ဆက်တင်ပြခဲ့တယ်။ Kant အတွေးအခေါ်တွေမှာ ၀ိရောဓိ ဖြစ်စရာ တွေ အများကြီးပဲ။ သူက "လူတိုင်းလွတ်လပ်ခွင့် ရှိတယ်။ လူတိုင်း စိတ်ကူးထဲမှာရှိတဲ့အတိုင်း လုပ်ပိုင်ခွင့်ရှိတယ်။ လူတိုင်းကို ဘာလုပ်ခွင့်ရှိတယ်၊ ဘာလုပ်ခွင့် မရှိဘူးဆိုတာတွေကို ပြတ်ပြတ်သားသား သတ်မှတ်ပေးထား သင့်တယ်" စသဖြင့် ဖော်ထုတ်တင်ပြခဲ့တယ်။
Hacker တစ်ယောက်ဆိုတာ မွေးရာပါ ဖြစ်လာတာ မဟုတ်ဘူး။ လေ့ကျင့်မွေးမြူခဲ့မှ ရနိုင်တယ်။ Hacker တွေက hack ဆိုတာကို ဖန်တီးခဲ့တယ်။ ကွန်ပျူတာ ပရိုဂရမ်မှာ hack လုပ်ဖို့ ပရိုဂရမ်တွေ ပေါ်လာတယ်။ VisiCalc ဆိုတာ hack program တစ်ခုပေါ့။ ဒါပေမယ့် အဲဒါကို ရေးခဲ့တဲ့ programmer က hacker တော့ မဟုတ်ဘူး။ Hacker မှာ ကောင်းတာတွေလုပ်တဲ့ hacker ကောင်းတွေ ရှိသလို၊ မကောင်းတာတွေ လုပ်တဲ့ hacker ဆိုးတွေ ဆိုပြီး ပေါ်လာတယ်။
Hacker ဆိုတဲ့ စာအုပ်မှာ စာရေးသူ Steven Levy က "Hacker ကိုယ့်ကျင့်တရား" နဲ့ ပတ်သက်ပြီး အတော်လေး ရှည်လျားစွာ ပြောထားတယ်။ သူ့ဖွင့်ဆိုချက်မှာတော့ hacker ဆိုတာ လှည့်စားတတ်တဲ့ သဘော တွေ၊ မဟုတ်တာ လုပ်တဲ့ သဘောတွေ ပါနေတယ်။ ဒါကြောင့်လည်း သူက hacker ကိုယ်ကျင့်တရားဆိုတာကို ဖော်ထုတ်ခဲ့ပါတယ်။ သူက hacker ကိုယ်ကျင့်တရားဆိုင်ရာ စံတွေအပြင် hacker ရဲ့ အလှနဲ့ ရသကိုပါ ဖော်ထုတ်ခဲ့တယ်။ ဥပမာ Richard Stallman ဆိုသူက သတင်းအချက်အလက်ကို မခိုးစေချင်ရင် ဗြောင်ဖွင့်ပေး ပေါ့လို့ ပြောခဲ့တယ်။ အမှား အမှန်ဆိုတာကတော့ ကိုယ်ပိုင်ဆုံးဖြတ်ပိုင်ခွင့်လို့ ဆိုတယ်။ သတင်းအချက်အလက် တွေကို ထိန်ချန်တယ်၊ ဖုံးကွယ်တယ်ဆိုတာ အသုံးမ၀င်တော့ဘူး။ လူဆိုတာ ၀ှက်ထားတာတွေကို ပိုသိချင် တယ်။ ဖုံးထားရင် ဖွင့်ကြည့်ချင်တဲ့ ဗီဇတွေ ရှိနေတော့ လူ့သဘာဝကို နားလည်ဖို့လိုတယ်။
MIT မှာ hacker တွေ စပေါ်တော့ သူတို့အားလုံး ဘွဲ့ရပညာတတ်တွေ။ အလွန်ဆုံး အသက်တွေက ၂၀ ၀န်းကျင်လေးတွေပေါ့။ ဒီအရွယ်ဆိုတာ ကိုယ်ကျင့်တရားနဲ့ ရသကို အခံစားတတ်ဆုံးနဲ့ ခွဲခြမ်းစိတ်ဖြာပိုင်းဖြတ် နိုင်ဆုံး အရွယ်လို့ ပြောရမယ်။
ကောင်းတာလုပ်ဖို့၊ မကောင်းတာလုပ်ဖို့ ဆိုတာကလည်း ပညာရေးနဲ့ သက်ဆိုင်သေးတယ်။ အကောင်းအဆိုး အကြောင်းအကျိုး ဆင်ခြင်စဉ်းစား ပိုင်းဖြတ်နိုင်သူတွေသာ ကိုယ်ဘာလုပ်သင့်တယ်ဆိုတာကို ဆုံးဖြတ်ချက် ချနိုင်မှာ ဖြစ်ပါတယ်။ သိသိကြီးနဲ့ မဟုတ်တာလုပ်ရင်ကတော့ ဥပဒေက ချမ်းသာပေးမှာ မဟုတ်ပါဘူး။


Ref:
-What is a Hacker?, by Brain Harvey (University of California, Berkeley) -Personal computer February 2010 မှ ကူးယူဖော်ပြထားပါသည်။)